Administrazio-baimena, orube, lurzati, finka edo lurrak bi lote independentetan edo gehiagotan zatitzeko gaitzen duena, aldi berean edo ondoz ondo.

Edozein interesdunek, edo haren legezko ordezkariak.

Eskaera orokorra

Legezko ordezkariaren kasuan, legez egiaztatzeko eta ordezkatzeko idazkia: Ordezkaria izendatzeko inprimakia

Eragiketari dagokion finkaren kokapen-planoa 1:1000 eskalan.

Teknikari eskudunak sinatutako planoa, finkaren mugaketa islatuko duena haren hasierako egoeran eta proposatutako zatikatze-eragiketaren ondoriozko azken egoeran, eskala egokian azaleraren arabera.

Eraginpeko finkari edo finkei dagokio/en Jabetzaren Erregistroaren informazio-ohar sinplea.

Hipoteka-legeriaren eskakizunen arabera proposatutako zatikatze-eragiketa deskribatzen duen proiektua edo eskritura publikoko minuta.

Dokumentazio paperezko euskarria eta euskarri digitalean aurkeztuko da. Eragiketa deskribatzen duen planoa geoerreferentziatua egongo da UTM koordenatuekin -Mercatorren zeharkako koordinatu-sistema-, ETRS-89 sistemapean -Europako Erreferentziako 1989 sistema geodesikoa-, metroa erabilita lan-unitate bezala. Dokumentazio grafikoari dagokionez, formatua "dgn" Microstation-erako, edo bateragarria, eta idatzitako dokumentaziorako, aldiz, (eskritura publikoko proiektua) "doc" formatua edo bateragarria.

Presentzialki:
Herritarrentzako Arreta Zerbitzua - HAZ
Altzaga: Antonio Trueba zeharkalea 2
Astrabudua: Meso kalea 20
Ordutegia: astelehenetik ostiralera, 08:30etik 14:30era
Sarrera-erregistroaren ordutegia: astelehenetik ostiralera, 08:30etik 14:00etara

Telematikoki:
www.erandio.eus webgunearen bidez

Zerbitzuak emateagatiko tasa. 11. Ordenantza fiskala.

• 250,00 m² arte......................................0,82 €/m²
• 251 m2 - 5.000 m²................................0,04 €/m²
• 5.001 - 10.000 m².................................0,03 €/m²
• 10.001 - 25.000 m²...............................0,02 €/m²
• 25.001 - 50.000 m²...............................0,02 €/m²
• 50.001 m² baino gehiago......................0,01 €/m²

Lur ez-urbanizagarriak: aurreko tarifen % 50. Gutxieneko kostua: 192,75 €

Aurreikusitako epea: hilabete 1.
Legezko gehieneko epea: 3 hilabete.
Administrazio-isiltasunaren ondorioa: aurkakoa.

Erandioko Udal Plangintzako Arau Subsidiarioak

2/2006 Legea, ekainaren 30ekoa, Euskal Autonomia Erkidegoko Lurzoruari eta Hirigintzari buruzkoa (38., 39. eta 40. art.; 207. art. eta hurrengoak)

19/1995 Legea, uztailaren 4koa, Nekazaritza Ustiapenak Modernizatzeari buruzkoa (24. art.)

7/2015 Legegintzako Errege Dekretua, urriaren 30ekoa, Lurzoruari eta Hiri Birgaitzeari buruzko Legearen testu bategina onesten duena (16.2 eta 26. art.)

HERRITARRENTZAKO ARRETA ZERBITZUAK
1. Eskaera eta eskatutako dokumentazioa jasotzea eta egiaztatzea.
2. Eskaera erregistratzea eta eskaneatzea, eta kopia interesdunari ematea.
3. Espedientea Hirigintzara bidaltzea.

HIRIGINTZAK
4. Udal-zerbitzu teknikoek eskaera eta dokumentazioa aztertzea hirigintza-araudira egokitzen direla egiaztatzeko.
5. Txostenak egitea.
6. Ebazpena eta interesdunari jakinaraztea.
7. Zerbitzu Ekonomikoetara bidaltzea.
8. Udal-tasa eta -zergak likidatzea.
9. Likidazioa interesdunari jakinaraztea.

Lizentziak ez du inolako eraginik izango lizentzia eman eta 3 hilabeteko epean udalari aurkezten ez bazaio egintza formalizatzen duen dokumentu publikoa.