Udalari aurkezten zaion dokumentua, gaitzen duena txikizkako merkataritza-jarduerak martxan jartzeko eta zerbitzu jakin batzuk emateko, Merkataritza eta zenbait zerbitzu liberalizatzeko premiazko neurriei buruzko abenduaren 26ko 12/2012 Legearen eranskinean bilduta badaude, eta jendeari erakusteko eta saltzeko haien azalera erabilgarria gehienez 750 metro karratu bada.

Salbuetsita daude ondare historiko-artistikoan inpaktua duten jarduerak edo jabari publikoko ondasunen erabilera pribatiboa eta okupazioa dakartenak.

Lokalak egokitzeko obrak beharrezkoak izanez gero, dagokion lizentzia edo aurretiazko komunikazioa izapidetzea eskatu ahalko da, jardun horien garrantziaren arabera.

Edozein interesdunek, edo haren legezko ordezkariak.

Aurretiazko komunikazio-eredua

Legezko ordezkariaren kasuan, legez egiaztatzeko eta ordezkatzeko idazkia: Ordezkaria izendatzeko inprimakia

Jarduera Ekonomikoen Zergan alta hartu izanaren egiaztagiria.

Solairuaren banaketaren planoa, akotatua eta eskalan, lokalaren dimentsioak eta ezaugarriak adierazten dituena, baita honako hauek ere: sarbideen kokapena, suteen aurka babesteko aurreikusitako baliabideak, eta instalazioak (higieniko - sanitarioak, aireztapenekoak eta abar).

Lokalaren argazkiak (barrukoak eta kanpokoak).

Erakusteko eta saltzeko 75,00 m²-tik gorako azalera erabilgarria duten jardueren kasuan, honako hauek ere aurkeztu beharko dira:

• Memoria, paperezko euskarri eta euskarri digitalean, bertan jardueraren, jardueraren xedearen eta jardueraren garapenaren edo produkzio-prozesuaren, makineriaren, erregaien, instalazio higienikoen eta abarren berezko ezaugarri propioen deskribapena biltzen duena, baita jarduerak ingurumenean, pertsonetan edo haien ondasunetan izan dezakeen inpaktua minimizatzeko ezarritako neurriena ere.
• Dokumentazio grafikoa:
• Kokapen-planoa
• Oineko banaketa-plano kotatua.
• Sekzio-planoa altuera libreak adieraziz
• Fatxadako eta barruko argazkiak.

Suteen aurkako babesari buruzko araudiari lotutako eskakizunak betetzen direla egiaztatzen duen dokumentazioa (Eraikingintzaren Kode Teknikoa ? Suteen aurkako Segurtasuneko Oinarrizko bDokumentua) honako hauen bidez:

• Su-itzalgailuen instalazioaren argazkiak edo, kasuan kasu, suteen aurka babesteko beste sistema batzuena, eta dagokien seinaleztapena.
• Enpresa instalatzailearen ziurtagiria, Eusko Jaurlaritzaren Industria Sailak emandakoa, kasuan kasu.

Hotz-ganberak dituzten jarduerak (arrandegiak, harategiak, fruta-dendak, supermerkatuak eta abar): honako zarata-neurketa hauek aurkeztu beharko dira, erakunde egiaztatuek egindakoak Euskal Autonomia Erkidegoko hots-kutsadurari buruzko urriaren 16ko 213/2012 Dekretuan adierazitakoaren arabera:

• Jardueraren zarata-igorpeneko neurketa.
• Immisio-neurketa kalterik handiena jasotzen duen auzokoan. (L_Keq,ti;L_Amax)
• Aireko zaratarekiko isolamenduaren neurketa. (D_nT,A)
• Inpaktu-zarataren neurketa. (L_n,Tw)

Presentzialki:
Herritarrentzako Arreta Zerbitzua - HAZ
Altzaga: Antonio Trueba zeharkalea 2
Astrabudua: Meso kalea 20
Ordutegia: astelehenetik ostiralera, 08:30etik 14:30era
Sarrera-erregistroaren ordutegia: astelehenetik ostiralera, 08:30etik 14:00etara

Telematikoki:
www.erandio.eus webgunearen bidez

10. Ordenantza fiskala:

• 50 m2 arte ......................................................... 386,85 €
• 50 - 100 m2........................................................ 542,40 €
• 100 - 250 m2...................................................... 929,20 €
• 250 - 500 m2 .................................................... 1.548,55 €
• 500 m2-tik aurrera soberako m2 bakoitzeko........... 1,26 €/m2

Edozein kasutan, gutxieneko zenbatekoa 322,00 € izango da.

Ez dago prozedurako edo ebazpeneko eperik. Behar bezala betetako komunikazioa jarduera egikaritzeko titulu gaitzailea da.

Eraikingintzaren Kode Teknikoa (EKT)

Erandioko Udal Plangintzako Arau Subsidiarioak

68/2000 Dekretua, apirilaren 11koa, hiri-inguruneen, espazio publikoen, eraikinen eta informazio eta komunikazioko sistemen irisgarritasun-baldintzei buruzko arau teknikoak onartzen dituena

213/2012 Dekretua, urriaren 16koa, Euskal Autonomia Erkidegoko hots-kutsadurari buruzkoa

842/2002 Errege Dekretua, abuztuaren 2koa, behe-tentsiorako Erregelamendu Elektroteknikoa onartzen duena (BTEE)

277/2010 Dekretua, azaroaren 2koa, larrialdiei aurre egiteko zenbait jarduera, zentro edo establezimenduren autobabes-betebeharrak arautzen dituena

12/2012 Legea, abenduaren 26koa, merkataritza eta zenbait zerbitzu liberalizatzeko premiazko neurriei buruzkoa

HERRITARRENTZAKO ARRETA ZERBITZUAK
1. Aurretiazko komunikazioa eta dokumentazioa jasotzea eta egiaztatzea.
2. Erregistratzea, eskaneatzea eta interesdunari kopia.
3. Zerbitzuak emateagatiko tasa likidatzea eta, kasuan kasu, jabari publikoa okupatzeagatik tasa.
4. Kopia zigilatu justifikatzailea eskatzaileari ematea.
5. Espedientea Hirigintzara bidaltzea.
6. Zerbitzu Ekonomikoetara eta Udaltzaingora helaraztea eta kopia bidaltzea.

HIRIGINTZAK
7. Udalaren zerbitzu teknikoek aurretiazko komunikazioa eta erantsitako dokumentazioa aztertzea hirigintza-araudira egokitzen direla egiaztatzeko eta, hala badagokio, ikuskapenbisitaldia egitea.
8. Beharrezkoa bada, Zerbitzu Ekonomikoek likidazio osagarria egitea.

Aurretiazko komunikazioaren aurretik, kontsulta egin ahalko zaio udalari lizentziaren eskakizun juridiko eta teknikoen eta aurreikusi daitezkeen neurri zuzentzaileen informazioa eman dadin, baita jardueraren bideragarritasunari buruz ere.

Aurretiazko komunikazioa Udaleko Erregistroan eta/edo Herritarrentzako Arreta Zerbitzuan aurkezten den egun beretik hasi ahalko da jarduera, udalari dagozkion egiaztapen-, ziurtapen-, ikuskapen- eta zehapen-ahalmenak alde batera utzi gabe, eta dagozkion udal-tasen ordainketa ere alde batera utzi gabe.

Jardueraren hasieraren arduradun esklusiboak jardueraren beraren titularrak eta, kasuan kasu, ziurtagiriak eman dituzten teknikariak izango dira, administrazio-titulu gaitzaileak eduki beharra eta sektore-araudi aplikagarriaren arabera nahitaezkoak diren aldez aurreko kontrolak gainditu beharra aldera batera utzi gabe.

Edozein daturen, adierazpenen edo deklaratutako dokumenturen zehaztasunik ezak, faltsukeriak edo ez-egiteak, funtsezkoa bada, eskubidearen edo eraginpeko jardueraren egikaritzapenarekin jarraitzea ezinezkoa izatea eragingo du, udalak gertakari horiek jakiten dituen unetik, egon daitezkeen erantzukizun penal, zibil edo administratiboak alde batera utzi gabe.

Egin daitezkeen ikuskapen eta haien emaitza alde batera utzi gabe, dokumentazioa eskatu ahalko da aurretiazko komunikazioaren ondoren suteen aurkako babesari buruzko, intsonorizaziori buruzko, aireztapenari buruzko, instalazio elektrikoei buruzko eta lokalen eta lortu nahi jardueraren ezaugarrien arabera aplikagarriak diren beste batzuei buruzko legerian ezarritako baldintzak betetzen direla egiaztatzeko.