Orientatzeko, gizarteratzeko eta autonomia sustatzeko zerbitzu publiko bat da, desgaitasuna edo mendetasuna dela medio jarduteko mugatuta edo herritar gisa parte hartzeko murriztuta dauden
adin guztietako pertsonentzat pentsatua, muga eta murriztapen horiek askotariko produktu eta metodo teknologikoak erabiliz konpentsatzeko edo arintzeko aukera izan dezaten.

Helburua:
Jarduteko mugatuta edo herritar gisa parte hartzeko murriztuta dauden pertsonen autonomia pertsonala eta gizarteratzea sustatzea, egokitzat jotzen diren laguntza-produktuei eta metodo teknologikoei buruzko orientazioa eskainiz, desgaitasuneko edo mendetasuneko egoera motaren arabera, muga horiek konpentsatu edo arintzeko.

Eskaintzen dituen prestazioak:

• Laguntza-produktuen erakusketa iraunkorra.
• Honako hauei buruzko aholkularitza:
  • a. prestazioak eskuratzeko modua,
  • b. laguntza-produktuak eskuratzeko diru-laguntza bat jasotzeko aukera, edo
  • c. laguntza-produktuen mailegua.
• Eskatzailearen autonomia pertsonala hobetzeko lagungarri izan daitekeen edozein alderdi
  teknikori buruzko orientazioa, egokitasunari buruzko txostena eginez.
• Desgaitasuna duten edo mendetasun-egoeran dauden pertsonek laguntza-produktuak
  eskuratzeko laguntza ekonomikoen eskaerak izapidetzea.

Gutxienez II. mailakotzat jotako mendetasun-egoera batean egotea, edo gutxienez % 33ko desgaitasuna izatea.

Espainiako nazionalitatea edo Europar Batasuneko beste edozein Estatu kidetako nazionalitatea izatea, eta, kasu horretan, dagokion Foru Dekretuan horretarako ezarritako berariazko baldintzak betetzea.

Bizkaiko udalerri batean erroldatuta egotea.

Laguntza-produktuak eskuratzeko laguntza ekonomikoen eskaerak izapidetzeko eskatutako dokumentazioa.
Eskatzailearen edo haren lege-ordezkariaren eta eskaeran ageri diren gainerako pertsonen Nortasun Agiri Nazionala.
Legezko ordezkariaren kasuan, legez egiaztatzeko eta ordezkatzeko idazkia. Ordezkaria izendatzeko inprimakia.
Banku-dokumentua
Gizatekek emandako egokitasun-txosten teknikoa, edo, indarreko Foru Dekretuan aurreikusitako kasuetan bakarrik, profesional kolegiatuek egindako txostenak.
Motor-ibilgailuak egokitzeko edo ohiko etxebizitzan eraikuntza-elementuak egiteko laguntzaproduktuak eskuratzeko laguntza-eskaeretan, Foru Dekretuan kasuan kasu ezarritako berariazko dokumentazioa aurkeztuko da.
Diru-laguntzaren onuradun izanez gero bakarrik, diruz lagundutako produktuen jatorrizko faktura aurkeztu beharko da indarreko dekretuan jasotako baldintza eta epeetan.

Eskatutako produktuaren eta familia-unitatearen diru-sarrera ekonomikoen arabera.

Gutxi gorabehera 10/15 eguneko epea ematen da egokitasun-ziurtagiria emateko, eta horren arabera eskaera onartzen da edo bertan behera uzten da.

http://www.bizkaia.eus/home2/Archivos/DPTO3/Temas/Pdf/Decreto%20Gizatek%202016.pdf?idioma=CA

HERRITARRENTZAKO ARRETA ZERBITZUAK
1. Informazioa/aholkuak ematea eta eskaera bideratzea.
2. Horren ondoren, eskaerak Gizateken entregatuko dira zuzenean (Lertxundi kalea 14, 48009-Bilbo; telefonoa: 900 220 002)

Bizkaiko Foru Aldundiaren eskumena da.
Ez da beharrezkoa erreferentziako gizarte-langilearekin elkartzea.