APARKATZEKO TXARTELA ESKATZEA
Zer da?
Desgaitasuna duten pertsonentzat aparkatzeko txartela eskatzea da, eta txartel horrek horretarako propio adierazitako tokietan aparkatzeko balio du.
Nork eska dezake?
Erroldatuta eta desgaitasuna onetsita duten pertsonek.
Ikusmena urritua duten pertsonek.
Mendetasun-egoeran dauden eta mugikortasuna murriztua duten pertsonek.
Edo haien legeordezkariak.
Aurkeztu beharreko dokumentazioa
Hiru txartel mota daude:
1. Txartel orokorraren eskaera
Nortasun Agiri Nazionala.
Onetsitako desgaitasun-maila.
Txartel-tamainako bi argazki.
Desgaitasuna duen pertsonaren lege-ordezkaritza egiaztatzen duen dokumentua: Ordezkaria izendatzeko inprimakia.
Ikusmen-urritasunaren kasuan: txosten medikoak eta/edo Espainiako Itsuen Erakunde
Nazionalari afiliatuta daudela dioen dokumentua.
Mendetasun-egoeran dauden pertsonen kasuan: mendetasun-mailaren onespena eta txosten mediko bat, non adierazten den ibiltzeko ezinbestean gurpil-aulkien edo bestelako makilen beharra duela.
Neuroendekapenezko gaixotasun bat izaki mugitzeko murriztuta dauden pertsonek: txosten medikoa, ibiltzeko nahitaez gurpil-aulkien edo bestelako makilen premia duela adierazten duena.
Mendetasun-egoeran dauden 3 urtetik beherako adingabeek: mendetasunaren onespena, eta
4 edo 5 puntuko desgaitasuna onetsita; desgaitasunik ez badu, txosten medikoa, ibiltzeko ezinbestean gurpil-aulkia edo bestelako makilen beharra duela adierazten duena.
2. Behin-behineko txartelaren eskaera
Nortasun Agiri Nazionala.
Txartel-tamainako bi argazki.
Desgaitasuna duen pertsonaren lege-ordezkaritza egiaztatzen duen dokumentua Ordezkaria izendatzeko inprimakia
Ziurtagiri mediko balioztatua, baimena emateko ezohiko zirkunstantziak egiaztatzen dituena.
3. Desgaitasuna duten pertsonen garraio kolektiborako txartelaren eskaera:
Erakunde edo elkartearen Identifikazio Fiskaleko Kodea.
Sozietatearen estatutuak
Pertsona fisiko eskatzailearen/legezko ordezkariaren Nortasun Agiri Nazionala.
Eskatzailearen lege-ordezkaritza egiaztatzen duen dokumentua: Ordezkaria izendatzeko inprimakia.
Ibilgailuen zirkulazio-baimena.
Autonomia pertsonala sustatzearen eta desgaitasuna duten pertsonen eta mendetasunaren arretarako gizarte-zerbitzuen eremuan mugikortasuna murriztua duten pertsonen garraioari loturik aurreikusitako jardueren memoria.
Aurkezteko lekua
Presentzialki:
Herritarrentzako Arreta Zerbitzua - HAZ
Altzaga: Antonio Trueba zeharkalea 2
Astrabudua: Meso kalea 20
Ordutegia: astelehenetik ostiralera, 08:30etik 14:30era
Sarrera-erregistroaren ordutegia: astelehenetik ostiralera, 08:30etik 14:00etara
Telematikoki:
www.erandio.eus webgunearen bidez
Informazio gehiago
Kostu ekonomikoa
Kosturik gabe.
Ebazteko eta jakinarazteko epea
Aurreikusitako epea: bi hilabete.
Araudi aplikagarria
1056/2014 Errege Dekretua, abenduaren 12koa, desgaituentzako aparkatzeko txartela emateko eta erabiltzeko oinarrizko baldintzak arautzen dituena, eta hiru kasu berri gehitzen dituena
50/2016 Dekretua, martxoaren 22koa, desgaitasuna duten pertsonentzako aparkatze-txartela arautzen duena
Eskaera jaso ondoko izapideak
HERRITARRENTZAKO ARRETA ZERBITZUAK
1. Jasotzea, berrikustea, eskaneatzea eta Bizkaiko Foru Aldundira bidaltzea (Ugasko bidea 3 bis, 48014 Bilbo).
Oharrak
Ez da beharrezkoa erreferentziako gizarte-langilearekin elkartzea.
Iraungitze-data: 5 urte behin betiko txarteletarako eta urtebete aldi baterako txarteletarako.
Informazio gehiago:
https://www.euskadi.eus/y22-bopv/eu/bopv2/datos/2016/04/1601512e.pdf
