FAMILIA UGARIAREN TITULUA ESKATZEA
Zer da?
Familia ugari bati bere izate hori aitortzen dion titulu ofiziala da. Familia ugarientzat erabilgarri dauden abantailak haien esku jartzeko helburua dauka. Honako hauek dira familia ugariak:
- 3 seme-alaba edo gehiago (komunak izan edo ez) dauzka(te)n aurreko ahaide bat edo bi.
- Bi seme-alaba dauzka(te)n aurreko ahaide bat edo bi, baldin eta bati desgaitasun-maila ere onetsi bazaio.
- Bi seme-alaba dauzka(te)n aurreko bi ahaide, baldin eta aurreko bi ahaideei desgaitasunmaila bat onetsi bazaie (desgaitasuna duten pertsonak dira) edo gutxienez batek % 65eko edo gehiagoko desgaitasuna badu .
- Bi seme-alaba dauzkan ama edo aita, baldin eta beste gurasoa hil bada. Familia Ugariak Babesteari buruzko azaroaren 18ko 40/2003 Legean jasotako beste kasu batzuk ere badaude.
Seme-alabek honako baldintza hauek bete behar dituzte:
- Ezkongabeak izatea.
- 21 urte baino gutxiago izatea. Muga hori 26 urte bete arte zabaltzen da baldin eta ikasleak badira. Minusbaliotasuna onetsia duten seme-alabentzat adin-mugarik ez dago.
- Aurreko ahaidearekin edo ahaideekin bizitzea.
- Aurreko ahaidearen edo ahaideen mendetasun ekonomikoa izatea.
Nork eska dezake?
Erandion erroldatutako pertsonek, baldin eta goian aipatutako baldintzak betetzen badituzte.
Aurkeztu beharreko dokumentazioa
Eskaera, eredu ofizialean.
Familia Liburua eta familian Nortasun Agiri Nazionala duten pertsona guztien Nortasun Agiri Nazionala.
Legezko ordezkariaren kasuan, legez egiaztatzeko eta ordezkatzeko idazkia: Ordezkaria izendatzeko inprimakia
Desgaitasuna duen pertsona edo lanerako ezindua, ikaslea edo alarguna izatea edota bananduta edo dibortziatuta egotea eta beste zenbait egoera berezi egiaztatzeko behar diren ziurtagiriak.
Bananduta edo dibortziatuta egonez gero hitzarmen erregulatzailea aurkeztuko da, hala badagokio, eta dagokion epaia, seme-alaben zaintza eta babespea egiaztatzeko
Beste nazionalitate batzuetako eskatzaileentzat:
Aurrekoaz gain, Europar Batasuneko eta Europako Esparru Ekonomikoari buruzko Akordioko kide diren herrialdeetakoak (Islandia, Norvegia eta Liechtenstein) badira,bizileku-txartela.
Europar Batasuneko kide ez diren herrialdeetakoak badira:
· Bizileku-baimena.
· Atzerritarraren Identifikazio Zenbakia.
Aurkezteko lekua
Informazio gehiago
Kostu ekonomikoa
Kosturik gabe.
Ebazteko eta jakinarazteko epea
Gehieneko epea: hiru hilabete.
Administrazio-isiltasunaren ondorioa: aurkakoa.
Araudi aplikagarria
40/2003 Legea, azaroaren 18koa, Familia Ugariak Babesteari buruzkoa.
Eskaera jaso ondoko izapideak
Bizkaiko Foru Aldundiko Emakumeak Babesteko eta Familiei Laguntzeko Zerbitzua familia ugariko tituluak aztertzeko eta izapidetzeko arduraduna da.
Eskaerak eta dokumentazioa honako hauetan aurkez daitezke:
a) Sailak Bilbon (Ugasko 5 bis 1.) dauzkan bulegoetan, edo, Bilboko Udalean izan ezik, dagokion Udalaren Gizarte Ongizateko Unitateetan.
b) Titulua izapidetzeko behar diren dokumentuak bidaltzeko aukera ere badago, behin eskaneatu ondoren honako helbide elektroniko honetara bidaliz: familiasnumerosas@bizkaia.eus
HERRITARRENTZAKO ARRETA ZERBITZUAK
1.Eskaera eta dokumentazioa jasotzea eta egiaztatzea.
2. Erregistratzea, eskaneatzea eta interesdunari kopia.
3. Eskaera Bizkaiko Foru Aldundira bidaltzea.
