Diru-laguntzen xedea adinekoei zuzendutako gizarte-intereseko jarduerak eta ekimenak egiteko finantzaketa ematea da, zahartze aktiboa sustatzeko eta, zehazki, honako bi helburu hauek lortzera bideratutako jarduerak finantzatzea:

• Adinekoen kolektiboaren prebentziorako, arretarako, sustapenerako eta gizarteratzeko elkarteek antolatutako jardueren gastuak ordaintzea.
• Zahartze aktiboaren inguruko zabalkunderako eta herritarren kontzientziaziorako proiektuak antolatzeko gastuak ordaintzea.
• Asoziazionismoaren bitartez adinekoen kolektiboaren parte-hartzea sustatzea.
• Kolektiboaren gizarteratzea sustatzen duten mota guztietako aisia-jarduerak sustatzea.

Erakunde onuradunak pertsona juridiko guztiak izango dira, nortasun juridiko propiorik ez dutenak barne, baldin eta diru-laguntzaren xedea arautzen duen aurreko puntuan deskribatutako gizartejarduerak sustatzen edo egiten badituzte, eta jarduera horiek udalerriarentzat interesgarri badira, Erandio Elizateko Udalak egiten dituen jardueren osagarri.

Gainera, 2011ko otsailaren 24ko Bizkaiko Aldizkari Ofizialean argitaratutako Erandioko Udalaren diru-laguntzak emateko ordenantza erregulatzailean ezarritako betekizun orokorrak bete beharko dituzte, eta irabazi-asmorik gabeko erakunde edo elkarte izan beharko dute, legez eratuak eta dagokien Erregistroan erregistratuak, egoitza Bizkaiko lurralde historikoan izanik eta Erandioko Udalean jardun beharko dutelarik.

Eskaerak beteta aurkeztuko dira, I. Eranskinean urteko deialdiarekin batera joango den eskaeraereduari jarraikiz eta honako dokumentazio hau barne:

1. 1. Eskatzailearen identifikazioa eta erakundearen ordezkaria dela egiaztatzen duten dokumentuak, hala badagokio. Ildo horretan nabarmentzekoa da pertsona fisikoek Nortasun
   Agiri Nazionalaren kopia aurkeztu beharko dutela. Pertsona juridikoek honako hauek aurkeztu beharko dituzte:
• Identifikazio Fiskaleko Kodea.
• Organoak eta ordezkariak izendatzeko erabakia, dagokion erregistro ofizialean behar bezala inskribatua, horrelako erregistrorik badago.
• Estatutuak, hauek ere behar bezala inskribatuak. Elkarteetako Estatutuek Eusko Jaurlaritzaren Elkarteetako Erregistroan inskribatuta egon beharko dute. Elkartearen inskripzioa erabakitzeko emandako ebazpena ere aurkeztu beharko da.
• Ordezkariaren Nortasun Agiri Nazionala, diru-laguntzari dagokionez ordezkaritzat identifikatzeko: Ordezkaria izendatzeko inprimakia.
  
2. Onuraduna izateko behar diren betekizunak egiaztatzeko dokumentazioa, deialdi honen bigarren puntuan ezarritakoari jarraikiz.
3. Eskatzailearen erantzukizunpeko adierazpena, Diru-laguntzei buruzko azaroaren 17ko 38/2003 Lege Orokorraren 13.2 eta 13.3 artikuluetako onuradun-kondizioarekiko bateraezintasunarrazoietan erori ez izana adierazten duena. (II. eranskina)
4. Diru-laguntza lortzeko xede den proiektuari buruzko deskripzio-memoria, edo aurreikusitako jardueren laburpena.
5. Diruz lagundu beharreko jarduera edo proiektuaren kostua egiaztatzeko faktura eta dokumentuak (diru-laguntzaren ordainketa aurreratuak egiteko aukera izanez gero, hasiera batean nahikoa izango da jardunaren aurrekontu xehatua eta banakatua aurkeztea, gastuaren kontzeptua eta haren finantziazio-iturria ezarrita). (III. eranskina)
6. Zerga-betebeharrak eta Gizarte Segurantzarekikoak betetzen direla egiaztatzen duen dokumentazioa, 2011ko otsailaren 24an Bizkaiko Aldizkari Ofizialean argitaratutako Erandioko Udalaren diru-laguntzak emateko ordenantza erregulatzailearen 7. artikuluko e) letran ezarritakoari jarraikiz. Udalak egiaztatuko du eskatzailea Erandioko Udal Ogasunarekin egunean dagoela. (IV. eranskina)
7. Hala badagokio, eskatzaileak edozein administraziotik edo estatuko zein nazioarteko edozein erakunde publiko edo pribatutatik xede bererako lortutako diru-laguntzak edo laguntzak aitortzea. (V. eranskina)
8. Diruz lagun daitekeen gastuaren zenbatekoa 30.000 eurotik gorakoa bada obra egikaritzeko kostuaren kasuan, edo 12.000 eurotik gorakoa ondasun-ekipoak hornitzearen edo aholkularitza edo laguntza teknikoko enpresek zerbitzuak ematearen kasuan, onuradunak gutxienez hiru hornitzaile desberdinen eskaintzak aurkeztu beharko ditu kontratu-xede bererako. Gainera, obren kasuan eskaintzekin batera obrei edo obra-proiektuari buruzko memoria balioetsi bat aurkeztu beharko da, hala badagokio, eskumeneko teknikariek sinatua. Diru-laguntzaren eskaeran aurkeztu beharreko eskaintzen artean hautatzeko irizpideak izango dira eraginkortasuna eta ekonomia, eta hautatutako proposamena ekonomikoki onena ez denean, berariaz justifikatu beharko da memoria batean.

Presentzialki:
Herritarrentzako Arreta Zerbitzua - HAZ
Altzaga: Antonio Trueba zeharkalea 2
Astrabudua: Meso kalea 20
Ordutegia: astelehenetik ostiralera, 08:30etik 14:30era
Sarrera-erregistroaren ordutegia: astelehenetik ostiralera, 08:30etik 14:00etara

Telematikoki:
www.erandio.eus webgunearen bidez

Kosturik gabe.

Diru-laguntza emateari buruzko ebazpena erakunde onuradunei jakinaraziko zaie, behar bezala arrazoitua eta gehienez lau hilabeteko epean eskaera egin zenez geroztik.

Erandio Elizateko Udalaren Diru-laguntzak arautzeko Ordenantza Orokorra, eta Gizarte Ongizate, Kirol, Kultura, Hezkuntza, Euskara, Berdintasun eta Merkataritzaren Sustapen Arloetako Diru-laguntzei buruzko Arau Bereziak.

38/2003 Legea, abenduaren 17koa, Zergei buruzko Lege Orokorra

HERRITARRENTZAKO ARRETA ZERBITZUAK
1. Eskaera eta dokumentazioa jasotzea eta egiaztatzea.
2. Erregistratzea, eskaneatzea eta interesdunari kopia.
3. Eskaera eta dokumentazioa Gizarte Ekintza eta Garapenerako Lankidetza sailera bidaltzea.

GIZARTE-EKINTZAKO ETA GARAPENERAKO LANKIDETZAKO ARLOAK
4. Eskaerak balioesteko txosten teknikoa egitea, ebazpen-proposamen eta guzti.
5. Dekretua ematea.
6. Ebazpena jakinaraztea.

ZERBITZU EKONOMIKOEK
7. Emandako diru-laguntzak ordaintzea.

Informazio gehiago lortzeko:
http://www.bizkaia.eus/lehendakaritza/Bao_bob/2011/02/20110224a038.pdf#page=107